-Reymund Titong
KABANAKALAN CITY, Negros Occidental — Matapos ang walo ka adlaw, natigayon nga nadakpan ang duwa ka indibidwal sang National Bureau of Investigation-Special Task Force (NBI-STF) matapos gintingwaan sini nga i-baligya ang ubra-maestra ni Amorsolo sa Quezon City sang Hulyo 11, sa balor nga 3.5 milyones.
Suno kay NBI Director Jaime Santiago, nakabaton ang NBI-STF sang impormasyon nga may nagpakilala nga si “Atty. Ching”, kag iya ginsiling nga pwede nya madala kag mabaligya ang 1936 Mango Harvesters nga painting ni national artist Fernando Amorsolo.
Madumduman nga una na nga gin-report sang Bacolod City police nga ginkawat ang ubra maestra ni Amorsolo sang duha ka mga persona sa Hofileña Museum sa syudad sang Silay sang Hulyo 3 sang aga.
Sa ginpatigayon nga entrapment operation sang NBI, ang mga nadakpan amo sanday Ritz Chona Ching kag Donecio Somaylo nga amo ang nagdul-ong sang Amorsolo painting.
Gin-turn over sang NBI ang painting sa National Museum of the Philippines kag mismo si Director-General Jeremy Barns ang nagkumpirmar nga ang painting nga gingtawaan baligya sa Manila, amo ang painting nga ginkawat sa Silay.*
