Nirerespeto ng pamunuan ng Philippine National Police ang mga komento na napag-iinitan sa checkpoint ang mga nakamotorsiklo.
Ayon kay PNP Chief Gen Rommel Marbil, tama ang naturang komento at ito rin ang kanyang napapansin.
Gayunman, kanyang nilinaw na pinapara rin nila sa checkpoint ang mga kotse at marahil ay hindi lang ito napapansin.
Paliwanag nya, nagkaroon lang ng “stigma” sa riding-in-tandem kaya puro mga naka-motorisklo ang napapara.
Dahil dyan, sinabi ni Marbil na aayusin nila ang kanilang mga panuntunan sa pagsasagawa ng checkpoint para maging patas ito sa mga motorista.
