Aabot na sa 87.70% ang completion rate sa konstruksiyon ng Baretbet Flood Control Project sa Bagabag, Nueva Vizcaya na nagkakahalaga ng 93 million pesos.
Ayon kay District Engineer Marifel T. Andes ng Department of Public Works and Highways – Nueva Vizcaya 1st District Engineering Office (DPWH-NVFDEO), ang nabanggit na flood control ay naglalayong maprotektahan ang mga residente at mga ari-arian nito.
Bukod pa riyan, magsisilbi rin itong safeguard para sa mga agricultural land at facilities lalo na ngayong panahon ng tag-ulan.
Kaugnay nito, nagmula ang pondo ng Baretbet Flood Control Project sa Regular Infrastructure Program for Fiscal Year 2024.
