LEGAZPI CITY – Matagumpay na naisagawa sa Albay ang One Town, One Product (OTOP) Philippines Act Orientation Seminar na highlight ang pag-promote sa kakaibang mga produkto ng bawat bayan at lungsod sa lalawigan sa ilalim ng OTOP program.
Ayon naman sa Pamahalaang Panlalawigan, nakahanda ang Albay na gumawa ng mas makabuluhang mga hakbang para sa mga lokalidad at sa pagpapaunlad ng ekonomiya ng lalawigan.
Ito rin ay sa tulong at suporta ng DTI at iba pang stakeholder na silang pundasyon ng programang OTOP sa lalawigan.
Inaasahan namang lilikha ang nasabing aktibidad ng positibong epekto sa mga lokal na komunidad, lalo na sa pagsulong, pagpapalago at pag-unlad ng ekonomiya.
