Makikipag pueong ru Regional Inter-Agency Task Force (RIATF) ag Regional Task Force Against COVID-19 (RTF) ag ru mga Local Chief Executives sa Western Visayas.
Suno kay RTF Spokesperson Cidy Ferrer, naka sentro sa pakikipag pueong kun ano ru dugang nga ubrahon para mapanaba ru kaso’t deadly virus.
Ikara man iga paathag it Inter-Agency Task Force (IATF) kun ham-an gin paidaeom sa Enhanced Community Quarantine (ECQ) ru siyudad ag probinsiya’t Iloilo.
Naga pati si Ferrer nga general ru pag-assess it IATF sa sitwasyon sa siyudad ag probinsya nga uwa sanda naka sayod nga bukon eamang it taga-Iloilo ru gina cater it mga hospital kundi ru iba hay halin sa ibang mga lugar sa Panay.
Kun matandaan, gin pabilin nga Modified Enhanced Community Quarantine (MECQ) ru siyudad ag probinsya it Iloilo umpisa makarong adlaw, July 16, 22.//MARIVIC Y. ILIN
