Itinuturing na napakagandang balita ni Partido Demokratiko Pilipino (PDP) Acting President, Senador Robin Padilla ang pagtakbo ng tatlong Duterte sa Senado.
Ito ay matapos isiwalat sa naging interview ni Vice President Sara Duterte ang pagtakbo ng kanyang ama na si dating Pangulong Rodrigo Duterte maging sina Davao City 1st District Congressman Paolo Duterte at Davao City Mayor Baste Duterte sa 2025 Senate election.
Anya, sa pamamagitan nito ay tiyak na magkakaroon siya ng panibagong kakampi maliban kina Senador Christopher ‘Bong’ Go, Senador Ronald Bato Dela Rosa at Senador Francis Tolentino.
Maalala, si PRRD ang kasalukuyan pa ring chairman ng PDP na kinabibilangan ni Padilla at maging nina Go, Dela Rosa at Tolentino.
