LEGAZPI CITY – Pig-eenganyar ngunyan an mga kajovenesan sa Bicol Region na magpartisipar sa Young Farmers Challenge (YFC) Program nganing liwat na mairani an saindang boot sa pag-aagrikultura, pagnenegosyo o agribusiness.
Sa intrevista kan Brigada News FM Legazpi kay Patrocinio Collao, Alternate Focal Person kan YFC Regional Project Management Team, sinabi kaini na bako sana ini para sa pagpapauswag kan ekonomiya kundi pati man sa pagsiyerto kan food security asin mapababa an average age kan mga paraoma sa nasyon.
Bukas ini para sa mga may edad 18-30 anyos, kun sain an pinakamatibay na enterprises asin implementor sa provincial level an manggagana ki P80,000, mantang sa P150,000 an para sa regional level, asin P300,000 sa national level.
