Madasig na nga makapadulong sa merkado, eskwelahan kag iban pa nga kaladtuan ang mga pumuluyo matapos ginbuksan na ang karsada gikan sa Sitio Sinibaan, Bayebaye padulong sa Sitio Matapang, Agcagay, Jamindan.
Ini nga Road Opening project, isa sa mga prayoridad sang barangay kag lokal nga gobyerno sang Jamindan, kun sa diin dako man ang nabulig sang mga bag-o nga heavy equipments sang munisipyo sa pag-ubra sang nasambitan nga karsada.
Padayon naman LGU Jamindan sa pagtukod sang mga proyekto nga makabulig kag makapaayo gid sa mga pumuluyo. | Judy Ann Juare
