Idiniin ng Philippine Coast Guard (PCG) ang ‘self-sufficiency’ ng Pilipinas sa mga resupply missions nito.
Kasunod ito ng naging rekumendasyon ng National Maritime Council (NMC) na gawin nang regular ang RoRe missions sa BRP Sierra Madre.
Sa Saturday News Forum, sinabi ni PCG spokesperson for the West Philippine Sea, Commo Jay Tarriela na sa ngayon, ‘di pa nila nakikitang kailangan nating humingi ng tulong sa mga foreign entities.
Bago ito, una nang sinabi sa Malacang press briefing kahapon ni Executive Sec. Lucas Bersamin na sa ngayon ay ‘di pa nila nakikita ang pangangailangan na i-raise sa international level ang mga recent harassments ng China.
Nabanggit din ni Bersamin na ‘di pa maituturing na ‘armed attack’ ang insidente, sa kabila ng pagkakaputol ng daliri ng isang sundalong Pilipino.
