Ginmandu it Police Regional Office okun PRO-6 ro pagpabaskug it patrol operations sa bilog nga Rehiyon 6 kasunod it mandu ni Police General Rommel Francisco D Marbil, Chief, Philippine National Police.
Ro direktiba hay ginpaabot ni PRO-6 chief, Brigadier General Jack L Wanky sa tanan nga Provincial ag City Directors, hasta sa mga Chief of Police it Component Cities ag Municipalities sa Western Visayas.
Kaeakip sa patrol operations ro foot and mobile patrols, Oplan Sita, ag Oplan Galugad agud masiguro nga mataw-an eagi it aksyon ro mga naga pangayo it bulig ag para mapabaskug ro police visibility sa bilog nga rehiyon. // ANN DESLENE SALAZAR
