Pormal nang naghain ng reklamo ang P-pop group na BGYO laban sa ilang social media users na hindi tumitigil na mam-bash sa kanila.
Umabot na raw kasi sa cyberbullying ang bashing ng ilang mga netizens.
Na-trace umano ng kampo ng BGYO ang tunay na impormasyon ng mga taong nasa likod ng pamba-bash, dahilan upang masampahan ang mga ito ng reklamo.
Ngayong araw, personal na nagtungo ang group members ng grupo na sina Gelo, Akira, JL, Mikki, at Nate sa Quezon City Prosecutor’s Office para sa naturang complaint.
Sa kasalukuyan, wala pang pahayag mula sa BGYO.
