OSCA, nagpuon nang magdistribwer ki social pension sa senior citizens sa Daraga, Albay

LEGAZPI CITY – Pinunan na kan Office of the Senior Citizens Affairs (OSCA) an pagdistribwer ki Social Pension sa mga senior citizen kan Daraga, Albay.

Enot nang kinondusir kasudma an distribusyon para sa 1^st batch sa Peñafrancia Covered Court, masunod an 2^nd batch ngunyan na aldaw mantang saaga naman an 3^rd batch na gigibuhon sa Binitayan Elementary School covered court.

Nasa P6,000 an kantidad kan social pension para sa mga senior citizens para sa bulan nin Enero sundo Hunyo kan presenteng taon.

BNFM Legazpi