Napakyas sa pag-sibat ang 30-anyos nga mahuyang human niunay kini pagpangawat sa iyang amo og kapin 50-mil pesos nga kwarta ingon man duha ka mga alahas, ug usa ka cellphone nga mobalor og kinatibuk-ang 100mil pesos.
Ang dinakpan nailhan nga si alyas Eva, 30-anyos, tindero, og taga Tanjay, Negros Oriental.
Samtang ang biktima nga amo sa dinakpan, usa ka negosyante og saging mao si alyas Gingging, 44-anyos.
Nahitabo ang maong pagpangawat kagahapon sa kadlawon sa mismong tindahan nga gitrabahoan niini sa H. Labra St., Brgy. Guadalupe, ning syudad sa Sugbo.
Nasayran nga nabantayan sa amo niini nga aduna kini pirme’ng kwarta ug kalit lang kining nawala kagahapon sa kadlawon tungod kay nisibat na kini sakay og bus padung sa lungsod Samboan og paingon na unta mosakay og barko paingon sa pinuy-anan niini sa Negros Oriental.
Gibutyag ni alyas Eva nga 2 na kini siya kabuwan nga nagtrabaho sa maong tindahan apan kuwang lang ang sweldo nga Php150 per day niini, hinungdan nga nahaylo kini sa pag-unay og pagpangawat sa iyang amo.
Kasamtangang anaa sa costudial facility sa Guadalupe Police Station ang dinakpan samtang gihikay pa ang kaso qualified theft nga ipasaka batok kaniya.//