Tutol si Vice President Sara Duterte sa paraan ng pagsisilbi ng arrest warrant ng Philippine National Police kay Pastor Apollo Quiboloy.
Ayon sa Bise Presidente, hindi dapat nakakalimutan ng PNP na prayoridad nito ang kaligtasan ng publiko lalo na ang mga kabataan.
Nakikiisa raw si Duterte sa panawagan ng publiko na magkaroon ng maayos at katanggap-tanggap na pagpapairal ng batas sa bansa.
Giit niya na ang pandarahas ay paglapastangan sa demokrasya.
Nanawagan din siya sa publiko na dapat ay maging mahinahon at magkaisa sa pagtataguyod ng katotohanan at hustisya.
