Hindi bababa sa 30 Chinese maritime militia vessels ang nakita sa Rozul o Iroquois Reef kahapon ng Linggo.
Nakita ang mga ito sa pamamagitan ng isang satellite imaging at isang social media post ng security analyst na si Ray Powell.
Agad namang kinumpirma ng Philippine Coast Guard (PCG) ang pagdami ng presensya ng mga Tsino sa pinagtatalunang dagat.
Sa ngayon, kasalkuyang nagpa-patrolya na ang BRP Datu Pagbuaya at nakapagbigay na rin ng mga radio challenges, ngunit hindi ito tinugunan.
