Muling iginiit ni dating Senate President Migz Zubiri na walang katotohanan ang mga kumakalat na balitang nagbubulsa siya ng pera ng gobyerno upang makabili ng mansyon at maging jetplane.
Anya, malinaw na isa lang itong parte ng pagtatangkang pag-discredit sa kanyang liderato at pagsira sa kanyang pangalan.
Alinsunod nito, binalaan niya ang sinumang nagpapakalat nito na maghanda sa paghahain niya ng kaso.
Dagdag pa niya, hindi siya titigil hangga’t hindi nahuhuli ang taong nakakubli sa likod nito.
