Aprubado na ni Pangulong Ferdinand Marcos Jr. ang Republic Act No. 11997 o ang Kabalikat sa Pagtuturo Act.
Layunin nitong itaas ang annual allowance ng public school teachers sa P10,000 mula sa dating P5,000.
Magsisilbi itong dagdag pondo para gastusin ng mga guro sa blended learning tulad ng internet, kuryente, at essential devices gaya ng laptops.
Sisimulan itong ipamahagi sa School Year 2025-2026.
Nakasaad din sa batas na hindi ito papatawan ng income tax.
