Nagapabilin nga bastante sa suplay kang bugas ang probinsya apisar kang El Niño Phenomenon sa diin rugyan sa 116.29% ang sufficiency level halin Enero asta Abril suno sa datos kang Office of the Provincial Agriculturist sa diin may kabug-usan nga 6,497.47 hectares ang na-ani kang Abril.
Ginbug-usan ang nasambit nga numero kang 2,154.30 hectares halin sa Barbaza, 11,699 ka ektarya kang Bugasong, 17.31 sa Culasi, 37.96 sa Hamtic, 1,043.41 sa Pandan, 699.75 sa San Remigio, 515.09 sa Sebaste, 91.20 sa Sibalom, kag 210.49 sa Tibiao.
Samtang, may kabug-usan nga 5,835.97 hectares kang irrigated nga parayan ang natamnan sa diin 317.45 ka ektarya ang sa Barbaza, 227 sa Bugasong, 18 sa Libertad, 26 sa San Remigio, 2.30 sa Sebaste, 49 sa Sibalom, 2.35 sa Tibiao, kag 9.50 sa Valderrama.
