LEGAZPI CITY – Dadayuhon na mismo kan Philippine Statistic Authority (PSA) Albay an mga residente sa isla asin hararayong lugar sa probinsya nganing mairehistro na sa National ID program.
Segun kay PhilSys Focal Person Jane Parian, obheto kaining makompleto na an natatadang 25% kan Albayano na dae pa rehistrado kaya sinda na mismo an marani sa publiko.
Mientrastanto, presenteng nasa 1,044,000 katawo o 75% na kan populasyon an saindang napaparehistro kun sain labi 2,000 digdi iyo an kaakian na dae malagpas singko anyos an edad.
