Arestado ang sangka lalaki bangud sa pagbayolar kang Mun. Ordinance No. 2017-003 ukon iligal nga pagpangisda sa bahin kang Brgy. Tinigbas, Libertad takna las-5:20 sa hapon katong Mayo 26.
Ginkilala ang persona kay Mark Anthony Prado,32-anyos, single, sangka manugpangisda kag residente kang Brgy Santander, Buruanga, Aklan.
Natigayon nga maaresto ang persona pinaagi sa gintingub nga pwersa kang Libertad MPS, PNP Maritime Group, kag Bantay Dagat personnel kang DA- Libertad nga nagtanyag kang anti-illegal fishing operations sa nasambitan nga lugar kung sa diin natukiban nga wara dya kang nagakaigo nga permit.
May penalidad nga nagabalor kang P500 kag narekober sa operasyon ang Motorbanca balor P30, 000,Fish Net balor P15, 000.00; kag dawi nga isda nga 22 kilos nga may estimated market value kang Php 1,320.
