Inilagay sa red alert ang National Disaster Risk Reduction and Management Council (NDRRMC) upang tumugon sa mga epekto ng Tropical Storm Aghon sa ilang bahagi ng Luzon at Visayas.
Ayon kay Office of Civil Defense (OCD) Director Edgar Posadas, mahigpit nilang binabantayan ang bagyo at ang maaapektuhan nito, kaya’t humingi na rin sila ng tulong sa iba pang uniformed personnel.
Nag-preposisyon ang NDRRMC g mahigit P3.4 bilyon na standby funds para sa pagkain at non-food items upang maipamahagi sa mga apektadong indibidwal.
Sa ngayon, mayroon ng 2,734 indibidwal ang naapektuhan ng bagyo sa Bicol at Eastern Visayas regions dahil sa pagbaha at pagguho ng lupa.
