Nagabatyag na ang nagkalainlain nga sektor sa probinsya sang kahalitan sang El Niño ilabi na sa agrikultura, bangud sini, ginpaidalom na ang Capiz sa state of calamity sang Mayo 24.
Sa datos, naglab-ot na sa P400-M ang nangin kahalitan sa pananum kasubong sang palay, maisan, kag high value crops sa 17 ka munisipalidad.
Matandaan nga una na nga nagdeklarar ang lima ka mga banwahanan sang Tapaz, Panay, Pontevedra, Dumarao kag Maayon sang state of calamity kun sa diin, kapin 8,000 ka mga mangunguma ang apektado sang tag-tuyo.| Frances Joy Preciosa
