Nag angkon it nina sa ueo, abaga ag alima ro sangka construction worker matapos eab-on it security guard sa may Brgy. Bulwang, Numancia, Aklan kabii.
Ginkilaea ro biktima nga si Willy Borja nga taga Tambuan, Malinao ag gatrabaho sa construction site sa Bulwang samtang ro suspek hay ginkilaea kay Mark Nervar nga residente sa nasambit nga lugar.
Sa report, nag angkon it argumento ro suspek ag biktima nga parehung nakainom bangud fiesta sa nasambit nga lugar, ag dikara bumuoe it sanduko ro sekyu ag linabo ro biktima.
Insigida man nga dinaea ro biktima sa Aklan Provincial Hospital samtang padayun ro hot pursuit operation it Numancia police sa suspek. // ANN DESLENE SALAZAR
