Mga nabakunahang tourism workers sa isla it Boracay nagaabot eon sa 1,732

KALIBO, AKLAN—Masobra 50% it 3,000 nga bakuna do hagamit sa nagapadayon nga vaccination roll out para sa mga tourism workers sa isla it Boracay.

Humalin it Hulyo 7 hasta it Hulyo 9,2021, umabot sa 1,732 do nabakunahan nga mga hotel ag restaurant workers, tour guides ag sa bahin it public transportation group.

Nauna eon nga ginpinahayag it Municipal Health Office Malay nga andang daily target hay 500 nga vaccinees gamit do Sinovac para sa 1^st dose.

Kung madumduman, nag-abot ku Hulyo 3,2021 sa isla do 3,000 doses it vaccine maghalin sa National Inter-Agency Task Force ag ginlunsar do roll out sa pagpanguna ni Tourism Secretary Bernadette Romulo-Puyat.

Tuyo it nasambit nga tikang nga maabot do herd immunity agud mas mapadali do pagbangon it industriya it turismo sa Boracay. // SHERRY ANNE REUNIR-VIDAL

BNFM Kalibo