LEGAZPI CITY – May pagirumdom an Bicol University sa gabos na incoming first-year students manungod sa pagpaparehistro online.
Obligado sindang magpre-register online maski pa sinda Qualified, Waitlisted, o Below Quota sa resulta kan saindang BUCET.
Dugang pa digdi, sa Mayo 27-31, naka-iskedyul an mga kwalipikadong aplikante na magpre-register sa saindang mga kolehiyo o departmento.
Sa Hunyo 3-7, mga Waitlisted na aplikante man an naka-iskedyul magpre-register, alagad depende ini sa mga matatadang bakanteng slots kan mga kwalipikadong aplikante.
Sa Hunyo 10-14, masagibo man nin screening process sa mga Below Quota na mga aplikante.
An mga magigin resulta, maagi sa BU Admissions Office asin sa BU Communication and Public Relations Office kun sain mahihiling man an resulta sa Bicol University Facebook Page.
