Pinagsusuntok umano ng kapwa niya tsuper ang isang jeepney driver sa Bacolod matapos hindi sumama sa tigil-pasada.
Kwento ng driver, namamasada siya nang harangin siya ng ilang miyembro ng MANIBELA-Bacolod at hinikayat na sumama sa protesta.
Nang hindi siya pumayag ay pinagsusuntok umano siya at binutas pa ang gulong ng kaniyang jeep.
Nawala rin daw ang P5,000 na pang-boundary sana niya.
Itinanggi naman ng MANIBELA-Bacolod ang mga paratang ng driver.
Planong magsampa ng reklamo ang driver laban sa Bacolod MANIBELA gayundin ang Bacolod MANIBELA na balak magsampa ng reklamo laban sa driver.
