Umabot na sa P1.5 Billion ang naitalang pinsala ng nararansang El Niño phenomenon sa sektor ng agrikultura at pangingisda sa lalawigan ng Isabela.
Ito ang ipinaliwanag ni Regional Corn Program Coordinator Paul Vincent Balao at dahil aniya rito ay ipa-prayoridad na mabibigyan ng tulong ang mga magsasakang labis na nasira ang kanilang mga pananim dahil sa limitadong pondo.
Tiniyak naman ni Assistant Provincial Agriculturist Sergio Galamgam ang pagbibigay ng suporta ng Pamahalaang Panlalawigan sa mga magsasaka sa pamamagitan ng pagbibigay ng subsidiya na kasalukuyang isinasagawa.
Samantala, binigyan naman Bureau of Fisheries and Aquatic Resources Region 02 ng tatlong water pump ang mga apektadong mangingisda sa Cordon at Santiago City
