Wala kalusot sa mga sakop sa Los Amigos Police Station ang usa ka lalaki human kini nasikop atol sa drug buy-bust operation sa milabay’ng adlaw sa Brgy Los Amigos ning syudad.
Giila sa kapulisan ang dinakpan nga si alyas Idol, hamtong ang pangidaron nga residente sa Bagong Silang, Brgy Paquibato District, Davao City.
Nasikop matod pa ang suspek human kini napalitan og usa ka pakete sa gituohang shabu sa pulis nga nagpakaarun ingnung poseur buyer.
Ang napalit ug nakuha sa nahisgutan mubalor sa kinatibuk-ang Php15,000.00.
Tingkagol na karon sa prisohan ang maong dinakpan ug gi-andam na ang pagpasaka og tukmang kaso kalabotan sa iligal nga droga batok kaniya.
