Wala na natabang pa ang usa ka motorista human kini madisgrasya, alas 4:30 sa kadlawun, Mayo 17, 2024 sa Batulosa, Brgy. Bangkas Heights, Toril ning syudad.
Giila sa kapulisan ang biktima nga si alyas Jeprox nga iladong trabahante sa Deca Homes Talomo, Baliok, Davao City.
Sa inisyal nga imbestigasyon sa kapulisan, ayha ang panghitabo gisubay sa motorsiklo ang Mulig road padulong sa Toril Proper.
Apan pag-abot sa likoong bahin sa nahitaboan, aksidenteng milahos ug nahulog ang motorsiklo sa canal. Tungod sa kakusog sa impact, nakahiagom ang biktima og mga samad sa iyang lawas.
Dali usab nga miresponde ang BDRRMC Bangkas Heights Rescue team sa lugar ug gideklarang nakabsan na sa iyang kinabuhi ang biktima.
Gidala na karon sa Villa Gan Funeral Home ang patay’ng lawas sa biktima.
