LEGAZPI CITY – Padagos na pig-iimbestigaran kan mga otoridad an manungod sa pigkakalkulong nasa 10 weeks old na fetus na nadukayan sa sarong CR sa sarong eskwelahan sa banwaan kan Daraga, Albay.
Sundo kaya sa ngunyan, blangko pa an mga otoridad pati na an eskwelahan sa kun siisay an nasa likod kan insidente.
Magigirumduman, segun sa pulisya, mga estudyante an nakadiskubre kaini asin tulos man nakipagkoordinar an eskwelahan sa Daraga MPS.
Mientrastanto, dinara man tulos an fetus sa Bicol Regional Hospital and Medical Center para sa medikal na eksaminasyon.
