Inilabas na ng Department of Health ang bagong update hinggil sa mga heat related illnesses.
Sa panayam ng Brigada News FM kay DOH Deputy Spokesperson Asec. Albert Domingo, sinabi nitong mayroon nang 77 na heat related illnesses sa Pilipinas, at mayroon na ring pito na namatay.
Aniya, importanteng malaman ang clustering o kung ano ba ang nangayayari sa mga taong nagkakasakit.
Sa pamamagitan aniya nito, nalalaman ang ilang mga aktibidad na posibleng nakaapekto sa isang tao na tinamaan ng heat related illness.
Kaugnay nito, binigyang-diin ng opisyal na mas mabuting iwasan na muna ang mga aktibidad na mabibigat lalo na sa mga oras na matindi ang init na nararanasan.
