Napalgang wala nay kinabuhi ang usa ka lolo sa ka bukirang barangay sa lungsod sa Alcoy, Cebu.
Giila siya nga si Roberto Jeminez Debulosan, 77-anyos ug residente sa Sitio Canlope, Barangay Poblacion sa naasoyng lungsod.
Nakaplagan sa iyahang anak ang patay nga lawas ni Roberto tulo ka kilomentro ang gilay on gikan sa iyang panimalay.
Base sa imbestigasyon sa Alcoy Police Station nga adunay mipahibalo kanila kalabot sa insidente pasado alas 11 sa udto niadtong dominggo, Abril 28 ning tuiga.
Giingon nga adunay gihambin nga sakit sa kalawasan si Roberto nga dinala na sa katiguwangon niini.
Ang mga anak niya wala na magpa autopsy kay sila nagtoo nga walay foul play ang kamatayon niini.
