Gibalhog sa Kapulisan sa Mambaling ang usa ka 29 anyos nga lalaki human kini mangawat og relo sa Aldo Tenant nga nahimutang sa Upper Ground Floor Seaview sa Sm Seaside Srp, Barangay Mambaling ning Dakbayan sa Sugbo.
Nailhan ang maong kawatan sa pangalan nga si Ronei Pantorilla, adunay live-in partner, lumad nga taga Barangay Subangdaku, Dakbayan sa Mandaue.
Basi sa imbestigasyon sa Kapulisan sa Mambaling nga gikawat ni PANTORILLA ang maong relo nga Aldo Watch nga gakantidad og 2,995 ka pesos, pinaagi sa pagsulod sa maong relo sa iyang gidala nga eco-bag ug dayung gawas sa maong establishmento nga wala mo bayad sa cashier.
Apan nasakpan si Pantorilla sa representative sa Aldo, hinungdan nga nagpakitabang kini sa gwardya og miresulta sa pagkasikop sa maong suspetsado og dayung gi-turnover kini ngadto sa kapulisan.
Ang maong suspetsado kasamtangang nga gitanggong sa Mambaling Police Station – Custodial Facility ug mag-atubang og silot sa kalapasan sa balaod.