NA ANGOL ang driver sa usa ka traysikad human sa disgrasya nga nahitabo sa dalang NLSA, Barangay San Isidro, General Santos City.
Subay sa talaan sa Traffic Enforcement Unit kon TEU usa traysikad ug Eco Sports ang lambigit sa bangga ug gina angol sa driver sa traysikad.
Ang biktima naila sa pangalang Gilbert Polinar, 38-anyos samtang ang driver sa Eco Sports naila sa pangalang Kevin.
Si Gilbert nasamdan sa tuo nga kamot ug ulo mao nga nadala sa tambalanan,samtang temporaryo nga gi hold ang mga sakyanan.
Nasuta sa imbestigasyon nga pasugat ang direksyon sa duha ka sakyanan sa dihang nahitabo ang disgrasya pasado alas 12 sa gabii adlaw nga Dominggo. I Ver Diazon
