LEGAZPI CITY – Naniniwala si Senator Cynthia Villar bilang Chairperson ng Senate Committee on Environment and Agriculture na may pag-asa pang bumaba ang presyo ng bigas sa bansa.
Ayon sa senadora, ang kailangan lamang ay turuan ang mga magsasaka ukol sa kung ano ang gagawin o kung paano gamitin ang mga ibinigay na makabagong makinarya mula sa gobyerno.
Ang makinarya kasi ay magpapabilis umano sa mga gawain ng mga magsasaka upang maparami pa ang produksyon nito.
Sinabi pa ni Villar, dahan-dahan ang pagtuturo sa makinarya upang matutunan nila ang tamang paggamit nito.
