Magpapadala Philippine Sports Commission (PSC) ng siyam na Filipino volunteers na tutulong para maging matagumpay ang Paris Olympics sa Hulyo.
Nagmula ang mga boluntaryo sa iba’t ibang propesyon, na kinabibilangan ng mga youth leaders na sina Jeneca Rombaon at John Vincent Balawen, para-athletes na sina Daisy Jane Omega at Brylle Samgel Arombo, athlete-coach Monica Chavez, Romina Manahan, at Ezra Balingit.
Kinumpleto naman ng negosyanteng si Isaac Jefferson Coloma at ng multimedia specialist na si Mari Gabrielle Faro ang listahan para sa volunteer program.
Nakipagtulungan ang PSC sa French Embassy at France Volontaires-Philippines upang magsagawa ng training course para sa mga boluntaryo.
Magkakaroon din ng pagkakataon ang mga boluntaryo na maging Committee Assistant at Sports Facilitator sa iba’t ibang larangan ng sports.
###
