PADAYON ang imbestigasyon sa Philippine Health Insurance Corp. (PhilHealth) ug National Bureau of Investigation (NBI) sa duha ka ospital sa rehiyon nga lambigit sa isyu sa ‘ghost patient’.
Kini ang gibutyag ni Hector Zenon Leonardo Malate, Regional Vice President sa Philhealth-12 kalabut sa isyu.
Wala na gipanganlan pa ni Malate ang mga ospital nga giimbestigahan ug taas ang proseso gumikan sa kadaghan lambigit sa isyu sa korapsyon. Dugang ni Malate, modus sa giimbestigahang ospital mao ang pagkuha og claim sa Philhealth bisan paman walay na admit nga pasyente.
Sa karon, hugot ang gihimong koordinasyon nila sa investigating agency alang sa gihimong imbestigasyon. I Richel Gubalani
