Arestado ng Roxas PNP ang lalaki na si Jeymar Abordonando Bahandi, 25-anyos sa Barangay New Barbacan Roxas, Palawan noong Sabado, Ika-20 ng Abril.
Ayon sa PNP, sa lugar ay huminto ang driver para kumain, nang buksan ni Jeymar ang bintana ng van at kinuha ang wallet na may laman na P25,000 at iba pang mga dokumento.
Kaugnay nito, hindi nabawi ang ninakaw na pera matapos nitong aminin na ipinang-inom at ipinambabae umano ang pera ng biktima.
Samantala, himas-rehas na ngayon ang suspek na nahaharap sa kaso.
