Hindi umano dapat pagdudahan ang nasabat na malaking halaga ng iligal na droga sa Alitagtag, Batangas na itinututring na isa sa pinakamalaki sa kasaysayan.
Noong isang araw, biglang nilinaw ng PNP na mula sa P13.3 bilyon pesos na halaga ay naging P9.6 bilyong pesos ito matapos ang aktwal na timbang.
Nagbigay ng paliwanag ang DILG sa pangunguna ni Sec. Benhur Abalos kasama ang mga kinatawan ng PDEA, PNP, PCG at maging ang alkalde ng Alitagtag, taga barangay at media na taga lugar kung saan nakumpiska ang droga.
Ayon kay Batangas Provincial Prosecutor , Atty. Lourdes Zapanta, nagtataka siya kung bakit may mga pagdududa samantalang maraming testigo ang naroon sa lugar.
Kaya rin aniya sinabing estimate o pagtaya lamang , ibig sabihin hindi ito ang aktwal na bilang o halaga.
Samantala, tiniyak ni Sec, Abalos na iiral ang transparency at ligal ang bawat hakbang ng pamahalaan.
