Handa na ang National Capital Region Police Office (NCRPO) sa tigil-pasada ng ilang transport groups ngayong araw.
Ayon kay NCRPO Regional Director Police Major General Jose Melencio Nartatez Jr., nagpakalat na sila ng 7K na mga pulis para tiyaking payapa ang naturang protesta.
Dagdag pa ni Nartetez, babantayan din nila ang mga nagbabanta sa kapwa tsuper na pilit isasama sa tigil-pasada.
Nabatid na magsisimula sa UP Campus at magca-caravan ang ilang transport groups papuntang Mendiola.
