GIREKOMENDA na sa Department of Education (DepEd) GenSan sa LGU ang pag-suspenso sa klase sa mga estudyante tungod sa El Niño. Basehan sa rekomendasyon ni Isagani Dela Cruz, schools division superintendent sa DepEd-GenSan mao ang 2,557 ka estudyante ang nakasinati og severe headache o pagpanakit sa ulo.
Samtang mokabat sa 291 ang nakasinatian og ‘nose bleed’ gumikan sa tumang kainit.
Sa rekomendasyon sa DepEd, posibleng Martes Abril 2 o hangtud sa Miyerkules ipatuman ang class suspension.
Kahibaloan nga gisuspenso na Tantangan, South Cotabato ang klase gikan Abril 1 hangtud 15 sa tanang level sa public ug private schools. Nasuspenso na usab og klase ang IloIlo City, Bacolod City, Capiz ug ubang bahin sa nasud.
Lunes Abril 1, nakasinati ang GenSan og heat index nga 38 degree Celsius samtang Abril 2 makasinati ang siyudad og naa sa 38-39 degree Celsius nga heat index. I Richel Gubalani
