Ginpatigayon ang pinaka-una nga sinapol sang Provincial Solid Waste Management Board para sa tuig 2024 sa idalum sang administrasyon ni Governor Fredenil H. Castro nga ginhiwat sa isa ka hotel sang Marso 19.
Ginpakipagbahin man sang Capiz Provincial Environment and Natural Resources Office (CAPENRO) ang mga plano, resulta, kag ang ginahinyo nga dugang nga budget sang mga LGUs, para sa pagpatuman sang maayo nga Solid Waste Management sa probinsya sang Capiz.
Ginpresentar man sang tagsa ka Municipal Environment and Natural Resources Office (MENRO) ang ila mga komento sa pagtatap sa sitwasyon sang basura sa probinsya kag pagtukod sang mga nagakasari-sari nga ideya para mapaayo ang pagdumala sang solid waste.| Princess Degoma
