Puspusan na ang paghahanda ng Manila International Airport Authority (MIAA) sa dagsa ng pasahero sa paliparan ngayong Holy Week.
Ayon kay Atty. Chris Noel Bendijo, head executive assistant & spokesperson, Manila International Airport Authority (MIAA), nakipag-coordinate na ang pamunuan ng MIAA sa mga LGUs ng Pasay at Parañaque para sa inasasahang bigat ng daloy ng trapiko.
Pinagbawalan na ring magbakasyon ang mga key officials sa paliparan upang makapagbigay-aksyon kaagad sakaling may aberya o problema.
Tiniyak naman ni Bendijo na ligtas, safe at malinis ang mga upuan sa paliparan dahil naglalagay ng traps at pest control para wala nang mga peste.
