Arestado ang isang miyembro ng ‘Bahala na Gang’ matapos pagnakawan ang magkasintahan sa Malate, Maynila.
Kinilala ng Manila Police District (MPD) ang suspek na si Adrian Bautista, 26 anyos.
Sa ulat ng MPD, biglaan na lamang nilapitan ng salarin ang babae; habang tinutukan ng kutsilyo sa bahagi ng kanyang tiyan.
Pinilit pang kunin ng suspek ang sling bag ng babae na may lamang cellphone, wallet at ATM cards.
Agad namang nakita ng mga pulis na nagbabantay sa area ang nangyaring krimen na siyang sanhi ng pagkadakip kay Bautista.
