Inararo ng isang forward truck ang isang bahay sa Barangay Ibabang Kalilayan, Unisan Quezon nitong Biyernes, Marso 15.
Lumalabas sa imbestigasyon ng mga awtoridad nawalan ng preno ang naturang truck paglampas nito sa kurbang bahagi ng Provincial Road ng naturang barangay at sumalpok ito sa isang bahay.
Sa lakas ng pagbangga ng truck lubhang nasugatan ang driver nito na naisugod pa sa hospital ngunit idineklara din itong dead on arrival.
Samantala, sugatan naman ang tatlo pang pasahero ng nasabing truck at isa sa mga nakatira sa inararong bahay at kasalukuyang nagpapagaling sa hospital.
