SIKOP sa kapulisan ang usa ka mag-uuma pinaagi sa pagsilbi og warrant of arrest kalabutan sa kasong pagpanglugos.
Sa record sa Pendatun police station giila ang dinakpan nga si Ranel Magbanua alias Aniel, 39-anyos, ulitawo ug residente sa Purok 7, Bull Mountain Brgy. Mabuhay General Santos City.
Gikonsidera kini sa kapulisan nga Top 5, wanted person sa Provincial level gumikan sa giatubang nga kaso.
Matud ni PMajor Lemuel Enrijo, hepe sa Pendatun police station nadakpan nila ang suspek sa nahisgotang lugar pasado alas 3:42 sa hapon, Marso 15.
Migawas matud pa ang iyahang kaso sa Police station 9 apan ang sakop sa Pendatun police station ang nakadakop rason nga sa nahisgotang presento kini gibalhog.
Silingan nga menor-de edad matud pa ang biktima sa suspek. Apan nagdumili kining mobungat og impormasyon kalabutan sa iyahang giatubang nga kaso. I Enamie Mogpon
