LEGAZPI CITY – Nairehistro kasuudma, aldaw nin Biyernes, an pinakahalangkaw na heat index sa syudad nin Legazpi.
Basado sa monitoring kan City Disaster Risk Reduction and Management Office (CDRRMO), ala una nin hapon kasuudma, naikurit an 44 degrees Celsius na heat index sa syudad na nasa kategoryang “danger”.
Kun ikukumpara naman sa nakalihis na mga aldaw, dai na luminampas sa 42 degrees Celsius an heat index, kun sain pinakahababa an nairehistro kan Marso 10 na nasa 27 degrees Celsius.
Padagos man an pagirumdom kan nasambit na opisina na mag-ingat orog na saro an heat stroke sa pwedesir makua kan publiko en kaso ma-expose sa alangkaw na temperatura, kaya importante an pagigin hydrated, pagsulot ki mga proteksyon kontra sa init asin an paglilimita na magtenir sa luwas.
