LEGAZPI CITY – Nagkondusir an mga personahe kan Daraga Municipal Treasurer’s Office (MTO) asin Business Permit and Licensing Office (BPLO) nin inspeksyon sa mga establisimento sa Brgy. Marketsite asin Ilawod.
Obheto kaining riparuhon asin hilingon kun updated an mga business permit asin kun igwa nin regulatory clearances an mga establisimento de negosyo sa banwaan.
Katakod kaini, nagtao man ki abiso an grupo sa mga tagsadiri na dapat na magpasiguro nin mga dokumento nganing maibitaran an pagkakaigwa nin mga penalidad o bayolasyon.
Dugang pa digdi, dapat mag-utob an mga ini sa mga nag-eeksister na ley asin mga ordinansa kan lokal na gobyerno kan Daraga.
