Handa umano ang ilang Pilipino na depensahan ang Pilipinas sakaling umatake ang ibang bansa.
Ayon sa ilang mga Pilipino responsibilidad nilang tumulong at ipaglaban ang Pilipinas.
Base sa survey ng OCTA research, 77% o halos walo sa sampong Pilipino ang handang lumaban para sa Pilipinas mula sa mga dayuhan.
Sa iba’t ibang age group na mga na-survey mula teenager hanggang senior citizen pinakamarami sa mga nagsabi na handa silang ipagtanggol ang Pilipinas ay nasa edad 45-54.
Ginawa ang survey noong Disyembre 2023 kung saan binomba ng tubig at tinaboy ng China ang mga barko ng Pilipinas sa West Philippine Sea.
