Libreng spaying and castration sa mga atamang ayam asin ikos, ikokondusir kan Albay Vet

LEGAZPI CITY – Nakatalaang magkondusir nin libreng spaying asin castration an Albay Provincial Veterinary Office para sa mga atamang ayam asin ikos.

Sa impormasyon gikan sa nasambit na opisina, gigibuhon ini sa Marso 6, alas 8 nin aga sundo alas 3 nin hapon sa Negosyo Auditorium kan Albay Farmer’s Bounty Village sa Brgy. Cabangan, banwaan kan Camalig.

An nasambit na aktibidad, isasagibo katakod kan Rabies Awareness Month ngunyan na bulan sa nasyon.

Mientrastanto, inisyatibo kan opisina katuwang an Philippine Veterinary Medical Association – Bicol Chapter asin Bicol Companion Animal Veterinary Practitioners’ Association.

Nangangapodan an opisina, aprubetsaran na an pagkakataon na ini.

BNFM Legazpi